Salto al Castielho
L lhaço que fecha las atuaçones. Ls uito pauliteiros fórman dues tories i un deilhes dá quatro saltos mortales antre eilhas. An Sendin, ne l redadeiro salto, l saltador queda de pino antre las tories anquanto eilhas ródan 360°.
Pauliteiros de Miranda · Sendin
La Tradiçon
La beilça de ls palos, ls lhaços, ls trajes, la música i la lhéngua de la Tierra de Miranda.
La beilça
Las nuossas beilças son tradicionalmente lhigadas a ua ourige guerreira, muitas bezes relacionada cun antigas beilças de cumbate griego-romanas: ls guerreiros aporbeitában ls momentos de folga pa treinar i beilçar, i mais tarde las spadas dórun lhugar als palos.
Cul tiempo, ls pauliteiros i ls sous gaiteiros ganhórun lhugar nas fiestas relegiosas — ne ls peditórios, nas procissones, nas praças i ne ls terreiros. Hoije hai mais dua dezena de grupos de pauliteiros na Tierra de Miranda i, dende ls anhos 2000, tamien grupos de pauliteiras.
A las nuossas beilças chamamos lhaços — música, letra i coreografie de cada beilça. Ls uito pauliteiros antrelaçan-se, batien ls palos i acertan ls mobimientos cun percison, pa acabar cada lhaço mesmo adonde l'ampeçórun. Ls lhaços fálan de la guerra, de la agricultura i de la relegion.
Ls lhaços
Cada lhaço ten l sou feitio: guerreiro, agrícola, d'oufícios ó de fiesta. Carregue an “Ber letra” para ler la lhetra an mirandés.
Binte-Cinco
Ls quatro peones de l meio defenden la sue tore; ls quatro guias atácan-la, batendo l palo 25 bezes an cada buolta.
Oufícios
Cada par de pauliteiros repersenta ua perfisson antiga de l mundo rural: l ferreiro, l ferrador, l barbeiro i l cardador.
Ber letraSconder letra
Para aprender un oufício
Que me mantega senhor!
Ser barbeiro i ferreiro
Cardador ou ferrador!La Yerba
L corte de la yerba ne l berano i l sou carreto pa ls palheiros, adonde serbie de quemida als animales ne l'ambierno.
Ber letraSconder letra
Se quieres que te segue la yêrba
Trai la gadanha cula tue piêdra
Pa l’aguçar
Trai buis i carro
Pa la lhebar
Que segada stá,
Que segada stá.Padre Antonho
Dedicado al bun cristiano i trabalhador de la tierra, que bibe de l suor de la sue cara i ye solidário cun quien mais percisa.
Campanitas de Toledo
Fala de ls monumientos de l'antigo Reino de Lhion i de ls sabores de la nuossa tierra. Ye beilçado quaije de la mesma maneira por todos ls grupos.
Ber letraSconder letra
Campanitas de Toledo
Las torres de San Simon
Reloijo de Benabente
La Catredral de Leon
Quando iban todas juntas
Parecia ua procisson
Lhebabam berças cun bino
Misturadas cun quinhon
Picaditas cun toucinho
Cun tchouriço inda melhor son
Cun chouriço melhor sonFado
Ir pa l “fado” ye ir pa la fiesta, pa la farra, pa l cumbíbio. Ye un lhaço dedicado al nuosso fado pertués, Património Mundial de la UNESCO! La sue música era tamien mui beilçada nas fiestas i romaries, l chamado “Repasseado Mirandés”.
Canedo
Cunta la stória dun tal Canedo que, nua fiesta an Santo Antão de la Barca, dou un falso alarme de fuogo — i lebou ua baliente sobada de l pobo.
Ber letraSconder letra
Canedo stá borracho
De bino i augardiente
Canedo stá borracho
De bino i augardiente
Mandou tocar a gaita
Delantre de toda giente
Mandou tocar a gaita
Delantre de toda giente
Yá matórun l Canedo
Más nun fui na sue tierra
Yá matórun l Canedo
Más nun fui na sue tierra
Fui an Santo Anton da Barca
Delantre de la capielha
Fui an Santo Anton da Barca
Delantre de la capielhaMirandum
Cunta la stória de Mirandum, que se fui pa la guerra i deixou la dúbeda subre la sue buolta. Antre la Páscoa i la Trindade, la spera alhargase até a la triste cunclusion: Mirandum yá nun ben.
Ber letraSconder letra
Mirandum se fue a la guerra
No sé quando bendrá
No sé quando bendrá, no sé quando bendrá
No sé bendrá por la pascua
Mirandum Mirandum Mirandela
No sé bendrá por la pascua
Se por la trinidade
Se pur la trinidade, se pur la trinidade
La trinidade se passa
Mirandum Mirandum Mirandela
La trinidade se passa
Mirandum nó biene yá…Lhiebre
Cunta la stória dua lhiebre que fuge custa arriba, perseguida por dous galgos que nun la cónsegen apanhar. Al fin, naide sabe quien atirou: “tu que le atiraste ó you que le atirei”.
Ber letraSconder letra
Aquelha canhada arriba
Un lhiebre bi correr
Iban dous galgos trás d´eilha
I no la podiron cojer
Tu que l’atiraste
You que l’atirei
Nin tu la mataste
Nin you la matei
Nin you la mateiLa bicha
La bicha — cobra, an mirandés — ye beilçada sin bater ls palos, al sonido de las castanholas, i fecha todos ls lhaços menos ls relegiosos. Retrata antigas beilças de fertelidade i de solstício i, ne ls lhaços guerreiros, fiesteja la bitória. An Sendin, ls passos de la bicha son defrentes de ls de todos ls outros grupos.
Repertório: Salto al Castielho, 25 de roda, 25 abierto, Oufícios, Padre Antonho, Mirandum, La Yerba, Cabalhero, Canedo, Senhor Mio, Fado, Campanitas de Toledo, Lhiebre, Tchina, Bitcha, Palombitas, Águilas i Alqueire.
Ber
Ls lhaços an bídeo
Ls trajes
Toca ne ls puntos pa çcubrir cada peça de l traje.
PauliteiraPauliteiro01
Tocadores
Toca ne ls puntos: ls burmelhos amóstran l traje, ls dourados ábren cada strumiento.
02
La Cápia d’Honras
L grupo ye siempre acumpanhado pul Home de la Capa d'Honras Mirandesa, ousada pul mais bielho ó pul persidente. La Capa d'Honras, nacida cumo capa de pastor, ye la peça mais eimblemática de l traje mirandés; l sou porcesso de feitura stá ascrito ne l'Ambentário Nacional de l Património Cultural Eimaterial dende 2022.
Lhéngua Mirandesa - L'alma de la Tierra de Miranda
La lhéngua mirandesa ye munto mais qu'ua forma de falar: ye ua parte biba d'a nóssa eidantidade, un tesouro cultural que guarda la stória, las tradeciones i l’alma de la Tierra de Miranda.
An 29 de Janeiro de 1999, cun la Lei n.º 7/99, l mirandés fui ouficialmente reconhecido cumo lhéngua oufecial de Pertual, a par de l pertués, tornando-se la segunda lhéngua oufecial de l paíç.
Esta riqueza cultural ye tamien sentida ne ls Pauliteiros i Pauliteiras de Sendin. Na beilça, na música i ne ls trajes tradecionales, damos bida a ua hardança que passa de geraçon an geraçon. Tal cumo la lhéngua, la beilça de ls palos ye un simblo de pertença, d'ourgulho i de ligaçon a las nóssas raízes.
La lhéngua fala de quien somos. La beilça amuestra quien somos. Juntos, mantemos biba la tradiçon de la Tierra de Miranda.
Cuntrataçones
Quier ls Pauliteiros na sue fiesta?
Fiestas, romaries, festibales i eibentos culturales — an Pertual i ne l strangeiro.
