Gala de ls Palos D’Ouro

La Gala de ls Palos D'Ouro ye un eibento feito an Sendin, criado pa houmenagear i recoincer aqueilhes que, al lhargo de cada anho, mais se çtácan ne l mundo de ls Pauliteiros.

La purmeira eidiçon fizo-se an 2025, marcando l'ampeço dua nuoba tradiçon de fiesta de la cultura, de la dedicaçon i de l talento de todos ls qu'ajúdan a mantener biba esta tradiçon.

Al lhargo de la nuite son çtinguidos defrentes elemientos i perssonalidades que se çtácan pul sou caminho, dedicaçon i cuntributo pa ls Pauliteiros, an bárias catadories, antre eilhas Melhor Pauliteiro, Melhor Pauliteira, Rebelaçon, Honorário i Melhor Músico.

Mais do qu'ua cerimónia d'antrega de prémios, la Gala de ls Palos D'Ouro quier ser un momento d'ancontro, recoincimiento i fiesta, juntando la quemunidade pauliteira pa dar balor a quien faç parte desta tradiçon i çtacar aqueilhes que deixórun la sue marca al lhargo de l'anho.

Cula Gala feita todos ls anhos, quier-se criar ua tradiçon que creça d'eidiçon an eidiçon i que se torne un de ls momentos de refréncia de l calandairo de ls Pauliteiros, fiestejando l passado, l persente i l feturo desta eidentidade cultural.

La 2.ª eidiçon yá stá a ser purparada. La data será anunciada an brebe eiqui i nas redes sociales de l grupo.