You Quiero Ser Pauliteiro
Cumbersas cun quien fai la tradiçon: pauliteiros, pauliteiras, gaiteiros i giente de Sendin.
É o podcast que abre as portas - e o coração - da tradição dos Pauliteiros de Miranda.
Aqui contamos histórias, revelamos bastidores, escutamos memórias e celebramos a força cultural que atravessa gerações na Terra de Miranda.
Em cada episódio, damos voz a quem vive a tradição por dentro: pauliteiros, pauliteiras, músicos, mestres, jovens da Escola do Pauliteiro, investigadores, artesãos e todos os que mantêm viva esta herança única.
Se alguma vez pensaste: “E se eu fosse Pauliteiro?”, este podcast é para ti!
é pertença, é cultura.
Todos ls eipisódios
08Eipisódio 8David Jantarada
Neste eipisódio, David Jantarada lhembrou la sue benida para Pertual als 6 anhos, la grande lhigaçon als pauliteiros anque nunca tenga beilçado, la falta de caixeiros ne l praino nas décadas de '90 i '00 i l caminho perfissional cumo carteiro.
07Eipisódio 7Maria Suzana
L seteno eipisódio, i até agora l mais lhargo de l nuosso podcast, tubo ua artesana sendinesa qu'amostra que las mulhieres nun se meden pula eidade. Al lhargo de la hora de cumbersa cuntou-mos cumo fui la anfáncia an Sendin na década de '50, l caminho ne l'artesanato, la riqueza cultural de las tierras de Miranda, la feitura de la capa d'honras pa l Papa Francisco i la sue lhigaçon als pauliteiros.
06Eipisódio 6Célsio Correia
L eipisódio de la Páscoa trouxo al nuosso podcast un de ls pauliteiros de l grupo atual. Al lhargo de la cumbersa, Célsio cuntou la sue spriéncia (inda) curta cumo pauliteiro, la anfáncia an Sendin i las stórias que l marcórun.
05Eipisódio 5Henrique Fernandes
Ye ne l Picão dos Arteiros, un de ls sítios mais guapos de la bila de Sendin, qu'aparece l quinto eipisódio de l nuosso podcast. Anrique Fernandes falou de la sue benida de Fráncia para Sendin, de cumo daprendiu la gaita de foles, de la falta de gaiteiros an Sendin ne ls anhos '90, de la feitura de palhetas, de l nacimiento de ls Lenga Lenga i de la custruçon de la Casa de l Pauliteiro.
04Eipisódio 4Davide Brás
L quarto eipisódio de l nuosso podcast tubo cumo cumbidado l'antigo persidente i pauliteiro Davide Brás, un de ls que lebantórun l grupo an tiempos defíceles. Al lhargo de la cumbersa, Davide lhembrou la sue anfáncia i passaige pul rancho de ninos, la spriéncia cumo persidente i ls balores que passou i daprendiu al lhargo de l sou caminho na associaçon.
03Eipisódio 3Sofia Branco
L terceiro eipisódio de l podcast tubo la persença de Sofia Branco, ua de las de la purmeira geraçon de l grupo de pauliteiras de Sendin. Al lhargo de la meia hora de cumbersa falou-se de pauliteiros i pauliteiras, de la anfáncia i l caminho de la Sofia, de la feitura de fatos de raiç i de l'amor pula bila de Sendin.
02Eipisódio 2Manuel Marcelino
L segundo eipisódio de l podcast You Quiero Ser Pauliteiro ten cumo cumbidado l senhor Manuel Marcelino, un de ls fundadores de l grupo de Pauliteiros de Sendin. Al lhargo de la cumbersa lhembrórun-se algues tradiçones antigas de Sendin, la criaçon de l grupo de Pauliteiros na Guerra de l'Ultramar, la lhigaçon de l senhor Manuel als cumboios de Pertual i la sue paixon pula fotografie.
01Eipisódio 1Pedro Morete
L podcast You Quiero Ser Pauliteiro ampeça an grande cun ua cumbersa cun Pedro Morete, pauliteiro i ansaiador de ls Pauliteiros de Sendin. Neste purmeiro eipisódio falou-se de l passado i de l persente de l grupo de Sendin, de la bida i de l caminho de l Pedro ne l mundo de la tradiçon, cun algues rubricas a la mistura.
